Բռնազավթված Արցախում հրդեհներ են բռնկվել

 APA.az-ի փոխանցմամբ՝ Աղդամի շրջանի բաց տարածքներում բռնկված հրդեհները տարածվել են հարակից գյուղերի ուղղությամբ:

Դեպքի վայր են կանչվել հրշեջ-փրկարարական խմբեր և համապատասխան տեխնիկա:

Բացի այդ, հրդեհի գոտում լսվել են պայթյուններ։ Ենթադրվում է, որ պայթյունները տեղի են ունենում այն պատճառով, որ կրակը տարածվել է նախկին շփման գծի ականապատ տարածքներ:

Ներկայումս հրդեհաշիջման աշխատանքները շարունակվում են։ Կրակը տարածվում է թփուտների և կանաչապատ գոտիների վրա՝ վնասելով ծառերն ու բուսականությունը: