Ուկրաինական ԱԹՍ–ների հարձակման հետևանքով Էներգոդարը ժամանակավորապես հոսանքազրկվել է
Ուկրաինական ԱԹՍ-ների հարձակման հետևանքով էներգոդարը ժամանակավորապես հոսանքազրկվել է։ Այս մասին հայտնել է Զապորոժիեի մարզպետ Եվգենի Բալիցկին:
«Կիևի ռեժիմը հերթական ահաբեկչական հարձակումն է իրականացրել՝ անօդաչու թռչող սարքեր կիրառելով մեր տարածաշրջանի քաղաքացիական ենթակառուցվածքների ուղղությամբ։ Էներգոդար քաղաքը ժամանակավորապես զրկվել է էլեկտրամատակարարումից», – տելեգրամյան ալիքում գրել է Բալիցկին։
Նրա խոսքով՝ կրիտիկական օբյեկտների և սոցիալական ենթակառուցվածքների էներգասնուցումը կատարվում է պահուստային աղբյուրներից։
Վթարային խմբերը վերականգնողական աշխատանքները կսկսեն իրավիճակի կայունացումից անմիջապես հետո:
«Իրավիճակը բարդ է, բայց վերահսկելի։ Քաղաքի սոցիալական օբյեկտների դիզելային գեներատորների համար ձևավորվել է վառելիքի պաշար։ Քաղաքային կենսապահովման ծառայությունները աշխատում են ուժեղացված ռեժիմով։ Բնակիչներին խնդրում եմ հանգստություն պահպանել և վստահել միայն պաշտոնական տեղեկություններին», – նշել է մարզպետը։
Ուկրաինական զինված ուժերը անօդաչու թռչող սարքերի և հրետանու միջոցով պարբերաբար գնդակոծում են Զապորոժիեի ԱԷԿ-ը։ ՄԱԳԱՏԷ-ն պարբերաբար հայտարարում է, որ ատոմակայանի ուղղությամբ հասցված հարվածները վտանգի տակ են դնում միջուկային անվտանգության սկզբունքները:
