Ինչ են քննարկելու Ֆիդանն ու Լավրովը
Թուրքիայի պետական «Anadolu» լրատվական գործակալությունը, հղում անելով նախարարության աղբյուրներից ստացված տեղեկություններին, հայտնել է, որ Թուրքիայի արտգործնախարար Հաքան Ֆիդանը հունիսի 16-17-ին կմեկնի Մոսկվա։ Այս մասին գրում է ermenihaber.am-ը:
Նախատեսվում է, որ Ֆիդանն անդրադառնալու է երկկողմ հարաբերություններին և քննարկելու է առևտրի, էներգետիկայի, անվտանգության ոլորտներին և հյուպատոսության գործունեությանն առնչվող հարցերին։
Նշվել են նաև Ֆիդանն անդրադառնալու է․ ռուս-ուկրաինական պատերազմի հարցում Թուրքիայի դիրքորոշումը, Սև ծովում առկա լարվածությանը, ԱՄՆ-Իրան հակամարտությանը և Իսրայելի գործողություններին։
Ի թիվս վերոնշյալի, Ֆիդանը խոսելու է նաև Հարավային Կովկասի մասին։ Ըստ հրապարակման՝ Ֆիդանը հայտնելու է, որ Թուրքիան աջակցում է Ադրբեջանի և Հայաստանի միջև խաղաղության գործընթացին, և որ Հարավային Կովկասում հաստատվելիք խաղաղության ու կայունության միջավայրը օգտակար կլինի նաև Թուրքիայի և Ռուսաստանի համար։
