Իսրայելը hարվածել է Լիբանանի հարավի խոշորագույն քաղաքին
Իսրայելական ավիացիան հզոր հարված է հասցրել Լիբանանի հարավում գտնվող խոշորագույն քաղաքին՝ Տյուրոսին: Այս մասին «ՌԻԱ Նովոստի»-ին հայտնել է լիբանանյան շտապօգնության ծառայության աղբյուրը:
«Թշնամական ավիացիան գրոհել է Ջումբլատի հրապարակի շրջանը, դեպքի վայր են մեկնել փրկարարները»,- ասել է գործակալության զրուցակիցը:
Նրա խոսքով՝ ներկայում որոնողափրկարարական աշխատանքները շարունակվում են Տյուրոսի խիտ բնակեցված թաղամասերից մեկում, որը հարվածների էր ենթարկվել երկուշաբթի ուշ երեկոյան: Այս պահի դրությամբ այնտեղ զոհվել է ինը մարդ, ևս 28-ը ստացել են տարբեր աստիճանի վնասվածքներ:
Հիշեցնենք, որ ավելի վաղ Իսրայելի բանակը նախազգուշացրել էր Տյուրոսին հարվածելու մտադրության մասին և բնակիչներին, այդ թվում՝ քրիստոնեական թաղամասերի, կոչ էր արել լքել քաղաքը:
