Գործարկվել է «Քո ձայնը» կայքը․ խախտումների մասին հաղորդում ներկայացնողների գաղտնիությունն ապահոված է
Գործարկվել է «Քո ձայնը» կայքը. այն քաղաքացիական ուղեցույց է, որը միտված է քաղաքացու իրավունքին։ Այս մասին այսօր ասուլիսում ասել «Ուժեղ Հայաստան» դաշինքի պատգամավորության թեկնածու, սահմանադրական իրավունքի մասնագետ, բազմաթիվ ընտրություններում որպես դիտորդ մասնակցած Գոհար Մելոյանը։
Նրա խոսքով՝ քաղաքացին մտնելով կայք՝ կարող է քայլ առ քայլ տեղեկանալ ընտրական ողջ գործընթացի մասին, ինչպես նաև կարող է իր կողմից արձանագրված խախտումների մասին հաղորդում ներկայացնել։
«Էլեկտրոնայիան եղանակով ենք ստանում խախտման մասին ահազանգերը։ Քաղաքացին դիմում է, հատուկ կոճակի միջոցով կարող է ընտրել՝ անանուն է ուզում հաղորդել, թե ոչ»,- ասել է Մելոյանը։
Նա նաև հայտնեց, որ քաղաքացիները խախտումների մասին կարող է հաղորդել նաև թեժ գծի միջոցով՝ 055 522-552։
Կայքը եռալեզու է՝ հայերեն, անգլերեն և ռուսերեն։
