Երիտասարդ բուժքույր է կյանքից հեռացել

«Մուրացան» համալսարանական հիվանդանոցից հայտնում են Վիկտորիա Հայրապետյանի անժամանակ մահվան մասին։

«Հիվանդությունից հետո կյանքից հեռացել է հիվանդանոցի երկար տարիների աշխատակիցը, ով շուրջ 3 տասնամյակ մասնագիտական գործունեությունն է ծավալել մեր բուժհաստատությունում՝ սկզբում որպես բուժքույր, այնուհետև՝ Ախտորոշիչ կենտրոնի օպերատոր։

Գործընկերներն ու բուժանձնակազմը Վիկտորիա Հայրապետյանին հիշում են որպես իր մասնագիտությանը նվիրված, բարեհամբույր, պատասխանատու և բոլորի կողմից սիրված աշխատակցի, որի մարդկային ու մասնագիտական կերպարը մշտապես կմնա մեր հիշողություններում։

Մեր խորին ցավակցությունն ենք հայտնում նրա ընտանիքին, հարազատներին, ընկերներին և բոլոր մտերիմներին։ Կիսում ենք նրանց ծանր վիշտը։

Հուղարկավորությունը տեղի կունենա այսօր՝ ժամը 14:00-ին, Խաղաղ Դոնի փողոցի 2/14 հասցեում (Էրեբունի վարչական շրջան)»,- նշված է հիվանդանոցի ֆեյսբուքյան էջում։