Չինաստանից Հայաստան որոշ ապրանքների ներմուծման համար հնգամյա արտոնություններ կգործեն

Կառավարությունն իր այսօրվա՝ դեկտեմբերի 18–ի նիստում որոշում կայացրեց, որով 2025 թ. նոյեմբերի 17-ից մինչև 2030 թ. նոյեմբերի 17-ը Չինաստանից Հայաստան ներմուծվող որոշ ապրանքների նկատմամբ մաքսատուրքի վճարման արտոնություններ կգործեն։

ԵԱՏՄ կանոնակարգերով Հայաստանի Հանրապետության համար սահմանվել է տարեկան 250 տոննա ծավալով հակագնագցման տուրքի (դեմպինգ) վճարումից ազատում ՀՀ տարածք ներմուծվող Չինաստանի ծագում ունեցող չոր նյութի վերահաշվարկով 80 % կամ ավելի զանգված ունեցող տիտանի երկօքսիդ պարունակող գունանյութերի և պատրաստուկների համար։

Կառավարությունից նշում են, որ այս որոշմամբ կապահովվի Եվրասիական տնտեսական հանձնաժողովի Կոլեգիայի 2025 թվականի հոկտեմբերի 14-ի որոշման կատարումը։