Հրանտ Մարգարյանի որդու մաhվшն դեպքով նախաձեռնվել է քրեական վարույթ
ՀՅԴ բյուրոյի նախկին ներկայացուցիչ Հրանտ Մարգարյանի որդու` Մխիթար Մարգարյանի մահվան դեպքի առթիվ հարուցվել է քրեական գործ:
«Ինքնասպանության հասցնելու փորձի հատկանիշներով նախաձեռնվել է քրեական վարույթ»,- հայտնել են Քննչական կոմիտեից։
Հիշեցնենք, որ նախօրեին ժամը 22:50-ի սահմաններում օպերատիվ տեղեկություններ էին ստացվել, որ Երևանի Փափազյան 21 շենքի բակում կրակոց է հնչել և կա վիրավոր։ Լրագրող Լիա Սարգսյանը հայտնել էր, որ հրազենային վնասվածքով հիվանդանոց տեղափոխված անձը ՀՅԴ Բյուրոյի անդամ Հրանտ Մարգարյանի որդին է՝ Մխիթար Մարգարյանը: ՆԳՆ-ից հայտնել էին, որ նախնական տեղեկություններով՝ անձը ինքնասպանության փորձ է կատարել՝ կրակելով ինքն իրեն: ArmLur.am-ի տեղեկություններով, հրազենային վնասվածքով հիվանդանոց տեղափոխվածի վնասվածքը կոկորդին է եղել։ Նրա վիճակը գնահատվել է ծայրահեղ ծանր։
Քիչ առաջ հայտնի դարձավ, որ Մխիթար Մարգարյանը հիվանդանոցում մահացել է։
