Հունաստանի իշխանությունները պարտադիր աշխատանքային ընդմիջումներ են մտցրել 40°C-ից բարձր շոգի պատճառով
Հունաստանի իշխանությունները պարտադիր աշխատանքային ընդմիջումներ են մտցրել երկրի մի քանի շրջաններում, որտեղ ջերմաստիճանը գերազանցում է 40 աստիճան Ցելսիուսը: AP-ի փոխանցմամբ՝ շոգը, կանխատեսումների համաձայն, կտևի մինչև հինգշաբթի:
Աշխատանքի նախարարության տվյալներով՝ բացօթյա աշխատանքների և սննդի առաքման արգելքը ուժի մեջ կլինի կեսօրից մինչև ժամը 17:00-ը (GMT՝ 09:00-ից մինչև 14:00): Սահմանափակումները հիմնականում վերաբերում են Հունաստանի կենտրոնական մասին և մի քանի կղզիների: Աշխատողներին նաև կոչ է արվել աշխատակիցներին հնարավորություն տալ հեռավար աշխատել:
Աթենքում առանձին արտակարգ միջոցառումներ այս պահին չեն ձեռնարկվում, թեև տիրող շոգի ալիքը ծանր է, սակայն այն համարվում է նորմալ եվրոպական շոգ ամառվա պայմաններում և ոչ թե արտասովոր երևույթ։
Հունաստանի իշխանությունները շեշտում են, որ երկարաժամկետ միջոցներ են ձեռնարկում կլիմայի փոփոխության հետևանքների դեմ պայքարելու համար: Այս տարի երկրում կտեղակայվի ռեկորդային թվով հրշեջ ջոկատներ՝ խոշոր անտառային հրդեհները կանխելու համար:
