Այսօր ԱԺ-ում տեղի ունեցած լարվածությունը խոչընդոտեց բնական հաղորդակցությանը․ արդարադատության նախարարի մամուլի խոսնակ
ՀՀ արդարադատության նախարարի մամուլի խոսնակը, անդրադառնալով լրագրողների հետ այսօրվա ընդհատված հանդիպմանը (նախարարը կիսատ թողեց ճեպազրույցը և հեռացավ), ֆեյսբուքյան իր էջում գրառում է կատարել․
«Համագործակցությունը լրատվամիջոցների հետ եղել և մնում է Արդարադատության նախարարության առանցքային առաջնահերթություններից։
Արդարադատության նախարարությունը մշտապես կարևորում է լրատվամիջոցների դերը՝ որպես հանրային կյանքի, ժողովրդավարության և իրավական գործընթացների կարևոր գործընկեր։
Այսօր Ազգային ժողովում տեղի ունեցած լարվածությունը, ցավոք, խոչընդոտեց բնական և կառուցողական հաղորդակցությանը։
Նախարարությունը վստահ է, որ պետական մարմինների և լրատվամիջոցների համագործակցությունն առավել արդյունավետ է, երբ հիմնված է փոխադարձ հարգանքի և լսելու պատրաստակամության վրա։
Հիշեցնում ենք, որ նախարարությունը բաց է երկխոսության համար և պատրաստ է ապահովել անհրաժեշտ ձևաչափեր՝ գործընկերային մթնոլորտի և արդյունավետ հաղորդակցության շարունակականության համար»,-գրել է խոսնակ Մարիամ Մելքումյանը։
