Ապրիլի 30-ին մրցույթ է հայտարարվել, բայց հայտ չի ներկայացվել․ մամուլի քարտուղարը՝ Արին Բերդի փողոցի մասին
Երևանի քաղաքապետի մամուլի քարտուղար Հայկ Կոստանյանը արձագանքել է Արին Բերդի փողոց տանող խաչմերուկը փակած ակցիայի մասնակիցներին.
«Հարգելի՛ գործընկերներ,
Երևանի Էրեբունի վարչական շրջանի Արին Բերդի փողոցի և Արցախի պողոտայի խաչմերուկը Արին Բերդի 5-րդ նրբանցքի խաչմերուկին միացնող ճանապարհահատվածի հիմնանորոգման նախագծանախահաշվային փաստաթղթերը Երևանի քաղաքապետարանի կողմից 2025 թվականի ապրիլի 30-ին դրվել են մրցույթի: Սակայն մրցույթին հայտ չի ներկայացվել։
Նոր մրցույթի հաղթող ճանաչվելուց հետո կհայտարարվի շինարարության մրցույթ, որից հետո էլ հիմնանորոգման աշխատանքները կմեկնարկեն»։
