Ռուսաստանում արձագանքել են ՄԱԿ-ում Հայաստանի քվեարկությանը

Հայաստանի, Վրաստանի և Սլովակիայի աջակցությունը ՄԱԿ և Եվրախորհրդի միջև համագործակցության վերաբերյալ բանաձևին, որը մեղադրում է Ուկրաինայի դեմ Ռուսաստանի գործողությունները, չի նշանակում, որ այդ երկրները գործել են հատուկ Ռուսաստանի դեմ։ Դատապարտումը կարող էր լինել ընդամենը փաստաթղթի կետերից մեկը, որն ընդհանուր առմամբ ձեռնտու է այս երկրներին, կարծում է Պետդումայի միջազգային հարաբերությունների հանձնաժողովի փոխնախագահ Սվետլանա Ժուրովան։ Այս մասին նա հայտնել է «Լենտա․ռու»-ի https://lenta.ru/news/2025/04/18/v-rossii-otreagirovali-na-podderzhku-armeniey-gruziey-i-slovakiey-rezolyutsii-oon/  հետ զրույցում։ Նա նաև դատապարտել է Ռուսաստանի հասցեին ուղղված ցանկացած մեղադրանք։

«Այդ հարթակներում Ռուսաստանի հասցեին ցանկացած մեղադրանք (…) ինձ համար անընդունելի է։ (…) Ըստ երևույթին, նրանք այդպես են վարվել, քանի որ այս երկրների համար շատ կարևոր կետեր կան, բայց ինչ-որ մեկը ուղղում է արել, որպեսզի քողարկված արվի, որ Ռուսաստանը նաև ագրեսոր է։ Ամենայն հավանականությամբ, շատ կետեր են եղել, որոնք պաշտպանում են այս երկրները»,- պարզաբանել է պատգամավորը։

Նա ենթադրել է, որ բանաձևում եղել են շատ կետեր, որոնցում ստորագրած երկրները օգուտ են տեսել իրենց համար։