Եթե Ամերիկան սխալ թույլ տա, Իրանը կգնա դեպի միջուկային զենք․ Հեղափոխության առաջնորդի խորհրդական
Գերագույն առաջնորդի ավագ խորհրդականն ասել է. «Եթե Ամերիկան սխալ թույլ տա, հանրային ճնշման ներքո, Իրանն ստիպված կլինի գնալ միջուկային զենք ստեղծելու ուղղությամբ:
Վերջին օրերին իր թշնամական ու փառամոլ մոտեցմանը համահունչ, ԱՄՆ նախագահ Դոնալդ Թրամփը սպառնալիքներ է հնչեցրել Իրանի հասցեին, սպառնալիքներ, որոնք արժանացել են տարբեր արձագանքների»։
Այս կապակցությամբ, ըստ Pars Today-ի, Իսլամական հեղափոխության առաջնորդի խորհրդական Ալի Լարիջանին երկուշաբթի երեկոյան Իրանի հեռուստատեսության լրատվական զրույցի ժամանակ հայտարարել է, որ Իրանի հետ ռազմական գործողությունն անհետևանք չէ՝ ասելով. -Իսլամական հեղափոխության առաջնորդի ֆեթվան միջուկային զենք չունենալն է. Բայց եթե ԱՄՆ-ը կամ Իսրայելը ռմբակոծեն Իրանը միջուկային զենքի պատրվակով, Իրանը ստիպված կլինի գնալ ատոմային ռումբեր արտադրելու ուղղությամբ։
Իրանի Նպատակահարմարության խորհրդի անդամը, մատնանշելով, որ Իրանի միջուկային ծրագիրը ռմբակոծմամբ չի ոչնչացվի, հավելեց. -Իրանի միջուկային տեխնոլոգիան այնպես է ծրագրավորված, որ եթե անգամ ռմբակոծվի, նույնիսկ աշխատանքը չի հետաձգվի։
Իրանի մասին Թրամփի վերջին հայտարարությունների վերաբերյալ Լարիջանին ասել է․ «Քաղաքական գործիչների մեծ մասը Թրամփի խոսքերը համարում է ճոռոմաբանություն. աշխարհում Թրամփի պահվածքը խնդրահարույց է դարձել. նա սպառնաց Ռուսաստանին ու Կանադային, բայց էական ոչինչ տեղի չունեցավ»։
Նշելով, որ ԱՄՆ-ը շատ հեշտ խախտել է ՀԳՀԾ-ով ստանձնած պարտավորությունները՝ Իսլամական հեղափոխության առաջնորդնի խորհրդականն ասել է. «Իսլամական հեղափոխության առաջնորդը ՀԳՀԾ-ն լավ համաձայնագիր չի համարել, քանի որ ԱՄՆ նախագահը հեշտությամբ խախտել է համաձայնագրի պարտավորությունները, իսկ Իրանը կատարել է իր հանձնառությունները»։
Իրանի Նպատակահարմարության խորհրդի անդամը հավաստիացրել է. «Անուղղակի բանակցությունները մյուս կողմի պահանջներն ու առավելությունները հասկանալու համար են»:
Լարիջանին ասել է. «Իրանը գերազանց դիրք է զբաղեցնում մեծ տերությունների մեջ, և արևմտյան երկրների մեծ մասը ցանկանում է ուղղակի հարաբերություններ ունենալ Իրանի հետ, սակայն ԱՄՆ-ի ճնշման պատճառով նրանք վերջնական դիրքորոշում չունեն»։
Նշելով, որ Իսրայելն առանց Ամերիկայի չի կարող տարածաշրջանում իրագործել իր նպատակները, Իրանի Նպատակահարմարության խորհրդի անդամը նաև հավելել է. «Սիոնիստական ռեժիմը հրադադարի հարցում լիովին գործիքային մոտեցում է ցուցաբերում։ Բոլոր երկրները գիտեն, որ այդ զինադադարները չեն հարգվում Իսրայելի կողմից»։
Իսլամական հեղափոխության առաջնորդի խորհրդականը Իսրայելի հարձակումներից փրկվելու լուծումը համարեց պայքարը և դատապարտեց Եմենի վրա ԱՄՆ-ի հարձակումները՝ ասելով. «Եթե ամերիկացիները խելք ունենան, չեն պատերազմի Եմենի դեմ»։
