Կրակը թիրախային է եղել. Պեսկովը՝ ԼԺՀ-ում ռուս լրագրողների զոհվելու մասին
Կրեմլում սպանություն են անվանել ԼԺՀ-ում Ուկրաինայի զինված ուժերի կողմից ռուս լրագրողների գնդակոծումը, որի հետևանքով նրանցից 3-ը զոհվել է, մեկը՝ ծանր վիրավորվել:
«Կրակը թիրախային է եղել, նրանց հատուկ ցանկացել են սպանել»,-լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը:
Նա նշել է, որ Կիևի ռեժիմը շարունակում է իր չարագործությունները լրագրողների նկատմամբ, մարդկանց, որոնց ձեռքին զենք չի եղել և չկա։
«Դա Կիևի ռեժիմի էությունն է և ևս մեկ անգամ հաստատում է մեր հատուկ ռազմական գործողության իրավացիությունը», -ասել է Պեսկովը:
Հիշեցնենք, որ մարտի 24-ին «Իզվեստիան» հայտնել էր Ուկրաինայի ԶՈՒ-ի հրետանային հարվածի հետևանքով հատուկ գործողության անցկացման գոտում իր թղթակից Ալեքսանդր Ֆեդորչակի մահվան մասին:
«Զվեզդա» հեռուստաալիքն իր հերթին հայտնել է հեռուստաալիքի օպերատոր Անդրեյ Պանովի և նկարահանող խմբի վարորդ Ալեքսանդր Սիրկելիի մահվան մասին, իսկ ավելի ուշ՝ նաև այն մասին, որ ծանր վիրավորվել է «Զվեզդա»-ի թղթակից Նիկիտա Գոլդինը:
