Բայդենը ներում է շնորհել իր որդուն
ԱՄՆ նախագահ Ջո Բայդենը ներում է շնորհել իր որդուն՝ Հանթերին, երկու դատական գործերով՝ չնայած դա չանելու բազմիցս խոստումներին։ Այս մասին հայտնում է Սպիտակ տան մամուլի ծառայությունը:
«Այսօր ես ներում եմ շնորհել իմ որդուն՝ Հանթերին։ Իմ պաշտոնավարման առաջին իսկ օրվանից ես ասել եմ, որ չեմ միջամտի ԱՄՆ Արդարադատության դեպարտամենտի որոշումներին, և ես հավատարիմ մնացի իմ խոսքին, նույնիսկ երբ տեսնում էի, թե ինչպես են իմ որդուն ընտրովի և անարդար կերպով հետապնդում։
Ոչ մի ողջամիտ մարդ, ուսումնասիրելով Հանթերի գործի փաստերը, չի կարող գալ որևէ այլ եզրակացության, քան այն, որ նա առանձնացվել է, քանի որ նա իմ որդին է»,-ասել է նա։
Հիշեցնենք, որ Դելավերում Հանթեր Բայդենին մեղադրանք էր առաջադրվել հրազենի խախտման մեջ։ Կալիֆորնիայում ամերիկացի առաջնորդի որդին ընդունել է իր մեղքը հարկերից խուսափելու մեջ։
