Մահացել է Վյաչեսլավ Դոբրինինը
Մոսկվայում 78 տարեկան հասակում մահացել է կոմպոզիտոր, երգիչ, Ռուսաստանի ժողովրդական արտիստ Վյաչեսլավ Դոբրինինը։ Այս մասին РБК -ին հայտնել է նրա կինը՝ Իրինա Դոբրինինան։
Վյաչեսլավ Դոբրինինը բազմաթիվ հայտնի երգերի հեղինակ է։ Նրա երգերը լսում էին, սիրում էին և կատարում էին ամբողջ Խորհրդային Միությունում։ Նա երգեր է գրել Ալլա Պուգաչովայի, Միխայիլ Բոյարսկու, Լև Լեշչենկոյի, Իրինա Ալեգրովայի, Նադեժդա Կադիշևայի, Վալենտինա Տոլկունովայի համար։
Վյաչեսլավ Դոբրինինը (ծննդյան անունը՝ Վյաչեսլավ Գալուստովիչ Անտոնով) ծնվել է 1946 թվականի հունվարի 25-ին Մոսկվայում։ Ծնողները՝ կադրային զինվորական Գալուստ Օգանեսովիչ Պետրոսյանը և բուժքույր Աննա Իվանովնա Անտոնովան, ծանոթացել են պատերազմի ժամանակ։
«Նրանց հաշվառվել են անմիջապես զինվորական հաշվառման գրասենյակում։ Պատերազմի ավարտից հետո մայրս մեկնել է Մոսկվա՝ նույնիսկ չիմանալով, որ հղի է։ Իսկ հորս, որպես կադրային զինվորական, ուղարկել էին Ճապոնիայի հետ պատերազմի։ Այնտեղից նա վերադարձել է հայրենիք՝ Հայաստան։ Միայն հետո իմացա, որ նրա հարազատները մորս չեն ընդունել միայն այն պատճառով, որ նա ռուս է»,- MK-ին տված հարցազրույցում ասել է երգիչը։
