Եվրասիական ինտեգրումը լավ է ազդել ՀՀ տնտեսության վրա. ապրանքաշրջանառությունն ավելացել է 6 անգամ

Եվրասիական ինտեգրումը լավ է ազդել ՀՀ տնտեսության վրա. 9 տարվա ընթացքում երկիրը ԵԱՏՄ գործընկերների հետ ապրանքաշրջանառությունն ավելացրել է 6 անգամ, իսկ արտահանումն աճել է 15 անգամ, «Sputnik Արմենիա»-ին տված բացառիկ հարցազրույցում ասել է ՌԴ տնտեսական զարգացման նախարար Մաքսիմ Ռեշետնիկովը:

Ըստ էության, ԵԱՏՄ երկրները դարձել են ՀՀ-ի առանցքային գործընկերները։ Իսկ դրանց տեսակարար կշիռը ՀՀ առևտրում 27%-ից հասել է գրեթե 40%-ի՝ հիմնականում ՌԴ-ի հետ հարաբերությունների զարգացման հաշվին։

ՌԴ-ի կողմից ներդրումների ամենամեծ հոսքը գրանցվել է 2022 թվականին՝ կազմելով ավելի քան 21,4 միլիարդ ռուբլի։ Հայաստանն իր կողմից ավելացրել է մատակարարումները ՌԴ՝ օգտվելով շուկայում ազատված խորշերից. տեքստիլ արտադրանքի մատակարարումներն աճել են գրեթե 75%-ով, մեքենաների և սարքավորումների մատակարարումները՝ 92%-ով։