Թավշյա իշխանություններին ինչո՞ւ է պետք եկեղեցու շենքը
Քաղաքական վերլուծաբան Արման Աբովյանը գրում է․
«Հետաքրքիր է դիտել, թե ինչպես են հայկական ներկայիս իշխանությունները սիստեմատիկ կերպով նորանոր ռեկորդներ են գրանցում իրենց ապազգային գործունեության շրջանակներում։
Եվ ահա, հերթական թավշյա ռեկորդ է գրանցվել և այս անգամ ներկայիս իշխանությունների տեսադաշտում է հայտնվել Հայ Առաքելական Եկեղեցին։
Թավշյա իշխանությունները Հայ Եկեղեցու հետ առճակատման շրջանակներում որոշել են խլել 13 -րդ դարի Տաճարի շենքը։
Ահա իրավիճակի համառոտ նկարագրությունը:
…
13-րդ դ. թվագրվող Եղիպատրուշ գյուղի Սուրբ Աստվածածին եկեղեցին դատական քննության առարկա է դարձել։
Հայաստանի գլխավոր դատախազությունը ցանկանում է այն խլել Հայ Առաքելական եկեղեցուց, որին 2019 թվականին համայնքային իշխանությունների որոշմամբ հանձնվել էր վերը նշված Տաճարը։ Իրավապահ մարմինը հանկարծ որոշեց, որ օտարումն անօրինական է և 5 տարի անց հայց ուղարկեց դատարան:
Սակայն, ստանալով երկու մերժում, վճռաբեկ բողոք է ներկայացրել։
…
Ես չեմ ուզում խոսել բուն իրավիճակի ապուշության մասին։
Բայց այնուամենայնիվ, թավշյա իշխանություններին ինչո՞ւ է պետք եկեղեցու շենքը։
Ինչո՞ւ։
Նրանք, ի՞նչ են անելու այնտեղ:
Կարո՞ղ է բացելու են «խաղաղության դարաշրջանի» սիրահարների ակումբը:
Թե՞ «խաղաղության խաչմերուկ» ի (այլ կերպ ասած, Զանգեզուրի միջանցքի) սպասարկման գրասենյակ։
Կարծում եմ, որ ոչ։
Բա յադ դեպքում ի՞նչ է իրականում կատարվում։
Ես, իհարկե, հասկանում եմ , որ որքան իշխանությունները փորձում են ճնշում գործադրել Եկեղեցու վրա, այնքան շուտ թավշյա իշխանությունը իր վերջը կմոտիկացնի , բայց իրավիճակն ինքնին պարզապես հրեշավոր է ։
Ի դեպ, Հայ Առաքելական Եկեղեցուն հնարավորինս թուլացնելու ցանկություն ունեն միայն Թուրքիան, Ադրբեջանը և Հայաստանի ներկայիս իշխանությունները։ Սա պարզապես որպես «չոր» փաստի արձանագրում։
