Ռուսաստանն առաջարկել է ՄԱԿ- ԱԽ հրատապ նիստ հրավիրել՝ կապված Եմենի ուղղությամբ ԱՄՆ-ի և Մեծ Բրիտանիայի հարձակման հետ
Մոսկվան հունվարի 12-ին առաջարկել է ՄԱԿ-ի Անվտանգության խորհրդի հրատապ նիստ հրավիրել՝ ԱՄՆ-ի և նրա դաշնակիցների կողմից Եմենում հութիների օբյեկտների վրա հարձակումների ֆոնին, հայտնում է ՄԱԿ-ում Ռուսաստանի մշտական ներկայացուցչությունը:
«Ռուսաստանը հունվարի 12-ին ՄԱԿ-ի Անվտանգության խորհրդի հրատապ նիստ է հրավիրել՝ կապված Եմենի վրա ԱՄՆ-ի և Մեծ Բրիտանիայի հարվածների հետ»,- ասվում է մշտական ներկայացուցչության հեռագրային ալիքում։
Հիշեցնենք, որ ԱՄՆ-ի և Մեծ Բրիտանիայի զինված ուժերը հունվարի 11-ի լույս 12-ի գիշերը հարվածներ են հասցրել Եմենի «Անսար Ալլահ» (հուսիներ) ապստամբական շարժման օբյեկտներին: ԱՄՆ ռազմաօդային ուժերը հայտարարել են, որ Եմենում 16 օբյեկտների ուղղությամբ արձակել են ավելի քան 100 հրթիռ՝ խոցելով ավելի քան 60 թիրախ:
Հուսիների ղեկավարության ներկայացուցիչ Աբդուլլահ բեն Ամերը Al Jazeera հեռուստաալիքին իր հերթին հայտնել է, որ շարժումը կհարվածի տարածաշրջանում ԱՄՆ-ի և Մեծ Բրիտանիայի բազաներին, եթե այդ երկու երկրներն ընդլայնեն ռազմական գործողությունների մասշտաբները:
Արևմտյան պետությունների ներկայացուցիչները հայտարարել են, որ խոցվել են հութիների հրթիռների, անօդաչու թռչող սարքերի տեղակայման վայրերը և ռադիոտեղորոշիչ կայանները։ Տուժածների մասին տեղեկություններ չկան։
