Ռուբեն Ռուբինյանն ու Լուիս Բոնոն անդրադարձել են Հայաստանի և Ադրբեջանի միջև խաղաղության գործընթացին
Հայաստանի Ազգային ժողովի նախագահի տեղակալ Ռուբեն Ռուբինյանը հունվարի 9-ին ընդունել է ԱՄՆ պետական դեպարտամենտի Կովկասի բանակցությունների հարցերով ավագ խորհրդական Լուիս Բոնոյին:
ԱԺ-ից հայտնում են, որ հանդիպմանը ներկա է եղել ՀՀ-ում ԱՄՆ արտակարգ և լիազոր դեսպան Քրիստինա Քվինը:
Կողմերը քննարկել են տարածաշրջանային անվտանգությանն ու կայունությանն առնչվող հարցեր:
Մտքեր են փոխանակվել Հայաստան-Թուրքիա հարաբերությունների կարգավորման գործընթացի վերաբերյալ:
Անդրադարձ է եղել Հայաստանի և Ադրբեջանի միջև խաղաղության գործընթացին:
