Զելենսկին Չեխիայում է
Չեխիայի կառավարության հատուկ ինքնաթիռն Ուկրաինայի նախագահ Վլադիմիր Զելենսկիի հետ հինգշաբթի երեկոյան վայրէջք է կատարել Պրահայի Ռուզինե օդանավակայանում, գրում է չեխական հեռուստատեսությանը։
Վայրէջքից հետո Զելենսկին մեկնել է Պրահայի ամրոց՝ Չեխիայի Հանրապետության նախագահի նստավայր, որտեղ բանակցություններ կվարի նախագահ Պետր Պավելի, ինչպես նաև վարչապետի և Չեխիայի խորհրդարանի խոսնակների հետ։
Սա Ուկրաինայի նախագահի առաջին այցն է Չեխիա՝ Ուկրաինա ռուսական զորքերի մուտքի սկզբից ի վեր և առաջինն անձամբ Զելենսկու համար։
«Ուկրաինայի նախագահի այցը նպատակ ունի երախտագիտություն հայտնել աջակցության համար, որը Չեխիան ցուցաբերում է Ուկրաինային ռուսական ագրեսիայի սկզբից ի վեր, և վստահեցնել, որ այդ աջակցությունը կշարունակվի», – հայտնել է Չեխիայի նախագահի գրասենյակը։
Սպասվում է, որ առանձին-առանձին հանդիպման ժամանակ Ուկրաինայի և Չեխիայի նախագահները կհամակարգեն իրենց դիրքորոշումները Վիլնյուսում ՆԱՏՕ-ի գագաթնաժողովի նախօրեին, որտեղ, ի թիվս այլ հարցերի, կքննարկվեն Ուկրաինայի անվտանգության երաշխիքները:
