Նոր ասֆալտապատված փողոցը քանդված է և փոսերի մեջ․ շինարարն ահազանգում է (տեսանյութ)
Շինարար Արթուր Չախոյանը ահազանգում է․ նա տեսանկարահանել է Երևանի Մուրացան և Էրեբունի փողոցների խաչմերուկի հատվածը, որտեղ նոր են ասֆալտապատում կատարել, և արդեն մեծ փոսեր ու նստվածքներ են գոյացել, իսկ ասֆալտն էլ անորակ լինելու պատճառով փշրվում է:
«Սա նոր ասֆալտապատված փողոցն է ու տեսնում եք՝ ինչ վիճակում է գտնվում: Ես համոզված եմ, որ սրանում հաստատ Երևանի քաղաքապետարանը մեղավոր չի: Կարող է մեղավոր լինեն նախկինները, բայց ոչ Երևանի քաղաքապետարանը: Այս տեսարանը շարունակվում է ասֆալտապատած փողոցի մյուս հատվածներում: Ու սա նոր վերանորոգած փողոց է, որով նոր ավտոբուսներն են երթևեկում: Հետո, որ ավտոբուսները փչանան, զարմանալու են, թե ինչու այսպես շուտ փչացան: Ամեն տեղ նստվածք ու փոսեր են: Բա Երևանի քաղաքապետարանն ինչով է զբաղվում, տեխհսկողներն ուր են»:
Վատթար վիճակում է Սևանի փողոցը՝ «Երևան» տոնավաճառի մոտ։
Մանրամասները՝ տեսանյութում
