ՄԱԿ ԱԽ-ում բոլոր երկրների արձագանքը շատ կտրուկ էր և պարզ. Արցախի պետնախարար
Ուրախալի է, որ ՄԱԿ-ի Անվտանգության խորհրդում քննարկվել է Արցախի հարցը: Այս մասին այսօր՝ դեկտեմբերի 21-ին, ֆեյսբուքյան ուղիղ եթերում հայտարարեց Արցախի Հանրապետության պետական նախարար Ռուբեն Վարդանյանը։
«Շատ կարեւոր էր, որ նորից հնչեց Արցախի հարցը ամենաբարձր կազմակերպության օրակարգում: Շատ կարեւոր էր, որ արձագանքը միակողմանի էր՝ այն, ինչ կատարվում է անթույլատրելի է: 200 ժամից ավելի փակ է Արցախի ճանապարհը, բլոկադայի մեջ ենք: Բոլոր երկրների արձագանքը շատ կտրուկ էր եւ պարզ, որ պետք է բացվի ճանապարհն առանց նախապայմանների կամ քննարկումներով, բայց մեկ է, ընդհանուր որոշումը դա էր, որ սա անընդունելի իրավիճակ է»,-ասաց Ռուբեն Վարդանյանը:
Նա շնորհակալություն հայտնեց բոլոր կազմակերպություններին, երկրներին, որ հնարավոր եղավ հասնել նման արձագանքի:
Հիշեցնենք, որ արդեն 10 օր է՝ Արցախն ամբողջական շրջափակման մեջ է: Դեկտեմբերի 12-ի առավոտյան ադրբեջանական կողմը բնապահպանական կեղծ պատրվակներով փակել է Լաչինի միջանցքը, որն Արցախը Հայաստանի և արտաքին աշխարհի հետ կապող միակ ճանապարհը:
