ԵՄ դիտորդները Լաչինի միջանցք չեն մտել. Տոյվո Կլաարը` տարածվող տեսանյութի մասին

Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը մեկնաբանել է տեսանյութը, որում երևում են եվրոպական դիտորական առաքելության ներկայացուցիչները։

«Տեսանյութ է տարածվում այն մասին, թե ինչպես են Եվրոպական Միության առաքելության դիտորդները դիտարկում իրականացնում Լաչինի միջանցք տանող ճանապարհին։ Դիտորդն այդ ժամանակ եղել է հայ–ադրբեջանական սահմանից մոտ 1.2 կմ հեռավորության վրա գտնվող անցակետում։ ԵՄ դիտորդական առաքելությունը, իր մանդատի համաձայն, գործում է բացառապես Հայաստանի տարածքում և միջանցքի հատված չի մտել»,– Twitter–ում գրել է Կլաարը։

Ավելի վաղ տեսանյութ էր տարածվել և նշվել, որ ԵՄ դիտորդները Գորիս-Ստեփանակերտ ավտոճանապարհի փակ հատվածում դիտարկումներ են իրականացնում։

There’s a video circulating about an EUMCAP patrol observing the road leading to the Lachin Corridor. The patrol was then at a checkpoint about 1,2km from the 🇦🇲-🇦🇿border. EUMCAP, in line with its mandate, operates exclusively on 🇦🇲 territory and did not enter the Corridor.

— Toivo Klaar (@ToivoKlaar) December 16, 2022