Թուրքիան կրկին անդրադարձել է «Ռուսաստանի կողմից Ղրիմի բռնակցմանը»
Թուրքիայի ԱԳՆ-ն հայտարարություն է տարածել Ղրիմը Ռուսաստանին միացնելու հանրաքվեի տարելիցի կապակցությամբ։
«Թուրքիան և միջազգային հանրությունը չեն ճանաչում Ռուսաստանի կողմից Ղրիմի բռնակցումը, ինչը միջազգային իրավունքի ակնհայտ խախտում է», ասվում է Թուրքիայի արտաքին գործերի նախարարության հայտարարության մեջ։
Հայտարարությունում նշվում է նաև, որ «Ուկրաինայի ինքնավար Ղրիմի Հանրապետությունը միացվել է Ռուսաստանին՝ 2014 թվականի մարտի 16-ին կայացած անօրինական հանրաքվեից հետո»։
Հատկանշական է նաև հայտարարության հետևյալ ձևակերպումը․ «Մենք կշարունակենք ուշադիր հետևել Ղրիմի զարգացումներին, մասնավորապես Ղրիմի թաթար թուրքերի իրավիճակին, որոնք թերակղզու հիմնական բնակիչներն են։
Այս առիթով Անկարան վերահաստատում է իր աջակցությունը Թուրքիայի ռազմավարական գործընկերոջ՝ Ուկրաինայի ինքնիշխանությանն ու տարածքային ամբողջականությանը»։
Կարեն Հովհաննիսյանի ֆեյսբուքյան էջից
