Էրբիլին հարվածած հրթիռները արձակվել են Իրանի տարածքից․AP
Իրաքի հյուսիսում գտնվող Էրբիլ քաղաքը հրթիռակոծվել է Իրանի տարածքից։ Այս մասին հայտնել է Associated Press գործակալությունը։
Աղբյուրի փոխանցմամբ՝ այս տեղեկությունը հաստատել են իրաքցի և ամերիկացի պաշտոնյաները։ Նրանք ավելի մանրամասն տեղեկություններ չեն տրամադրել Իրաքի Քուրդիստանի մայրաքաղաքի հրթիռակոծման վայրից։
Իրաքյան աղբյուրի խոսքով՝ հրթիռակոծման նպատակը Էրբիլում ամերիկյան հյուպատոսությունն էր, սակայն հրթիռներից ոչ մեկը, որը պայթել է ԱՄՆ դիվանագիտական ներկայացուցչության կառուցվող շենքի շրջանում, լուրջ ավերածությունների չի հանգեցրել:
Ավելի վաղ «Քուրդիստան-24» հեռուստաալիքը, հղում անելով ուժային կառույցներին, հայտնել էր, որ ընդհանուր առմամբ արձակվել է 12 բալիստիկ հրթիռ: Նրա տվյալներով՝ վնաս է հասցվել այն շենքին, որտեղ գտնվում է ջրանցքի գրասենյակը, զոհեր և տուժածներ չկան: Rudaw հեռուստաալիքը հաղորդել է, որ 14 հրթիռ է եղել։ Քուրդ ուժայինները հետաքննություն են անցկացնում։
