Պուտինն ու Մակրոնը պայմանավորվել են վերսկսել նորմանդական ձևաչափը
Ռուսաստանի նախագահ Վլադիմիր Պուտինը և նրա ֆրանսիացի գործընկեր Էմանուել Մակրոնը պայմանավորվել են վերսկսել աշխատանքը նորմանդական ձևաչափում՝ կապված Դոնբասում իրավիճակի սրման հետ։ Այս մասին հաղորդում է ՌԴ նախագահի մամուլի ծառայությունը։
«Հաշվի առնելով ներկա իրավիճակի լրջությունը՝ նախագահները նպատակահարմար են համարել ակտիվացնել դիվանագիտական ճանապարհով լուծումների որոնումը արտաքին գործերի նախարարությունների և նորմանդական ձևաչափին մասնակցող երկրների ղեկավարների քաղաքական խորհրդատուների միջոցով»,- հաղորդում է Կրեմլի մամուլի ծառայությունը։
Ինչպես նշվում է հաղորդագրության մեջ, այդ շփումները պետք է նպաստեն հրադադարի վերականգնմանը և առաջընթացի հասնեն Ուկրաինայի հարավ-արևելքում իրավիճակի կարգավորման գործում։
Ավելի վաղ ՌԴ նախագահը կոչ էր արել Արևմուտքին հստակ և ըստ էության արձագանքել Ռուսաստանի անվտանգության պահանջներին։ Այս մասին Վլադիմիր Պուտինը հայտարարել է Ֆրանսիայի նախագահ Էմանուել Մակրոնի հետ բանակցություններում։
