ԱՄՆ-ում Ռուսաստանի դեսպանատունը Ժնևում կայացած բանակցություններից հետո պատասխանել է ապատեղեկատվության մեղադրանքներին
ԱՄՆ-ում Ռուսաստանի դեսպանատունը քննադատել է բանակցությունների նկատմամբ Վաշինգտոնի մոտեցումը և մերժել է Ռուսաստանի կողմից ապատեղեկատվություն տարածելու հնարավորությունը՝Ժնևում տեղի ունեցած քննարկումների մասին։ Սպիտակ տան խոսնակ Ջեն Փսակիի հայտարարությունների պատասխանը հայտնվել է դիվանագիտական առաքելության ֆեյսբուքյան էջում։
Ավելի վաղ Փսակին ճեպազրույցում հայտնել էր, որ ԱՄՆ-ը պատրաստվում է Ռուսաստանի կողմից Ժնևում չստանձնած պարտավորությունների մասին ապատեղեկատվություն տարածելու հավանականությանը։ Գրում է tvzvezda.ru-ն:
«Մենք վճռականորեն մերժում ենք նման ակնարկները։ Ռուսական պաշտոնական հայտարարությունները լիովին համապատասխանում են իրականությանը. մեր երկիրն ի սկզբանե դրսևորել է առավելագույն թափանցիկություն այս երկխոսության հարցում»,- ասվում է դեսպանատան պատասխանում։
Դիվանագիտական առաքելությունը նշել է, որ որպես դրա ապացույց՝ Ռուսաստանի Դաշնությունը միջազգային հանրությանն է փոխանցել ռուս-ամերիկյան պայմանագրի նախագծերը՝ անվտանգության երաշխիքների և Ռուսաստանի Դաշնության ու ՆԱՏՕ-ի անդամ երկրների անվտանգության միջոցառումների մասին։ Նրանք նաև հավելել են, որ ամերիկյան կողմից ակնկալում են փոխադարձ թափանցիկություն։
«Մենք կոչ ենք անում մեր կոլեգաներին դադարեցնել իրենց խորհրդատվական գործընկերների մասին անհիմն շահարկումները: Ավելին, այս մոտեցումը վկայում է բանակցային մշակույթի դեգրադացիայի մասին»,- ամփոփել են դեսպանատանը։
Հունվարի 9-ին և 10-ին Ժնևում անցկացվել են խորհրդակցություններ Ռուսաստանի Դաշնության և ԱՄՆ-ի միջև անվտանգության երաշխիքների վերաբերյալ ռուսական առաջարկներով։ Հաջորդիվ Բրյուսելում տեղի կունենա Ռուսաստան-ՆԱՏՕ խորհրդի գագաթնաժողովը, իսկ Վիեննայում՝ խորհրդակցություններ Եվրոպայի անվտանգության և համագործակցության կազմակերպության հարթակում։
