«Կորսված դրախտ». Արցախի ողբերգությունը պատկերող լուսանկարները ներկայացվել են միջազգային մրցույթի
0 min read
«Կորսված դրախտ». «ՌԻԱ Նովոստի» գործակալության հատուկ ֆոտոթղթակից Վալերի Մելնիկովի լուսանկարների շարքը՝ նվիրված արցախյան հակամարտությանը, ներկայացվել է միջազգային ամենահեղինակավոր մրցույթներից մեկին՝ World Press Photo-ին:
«ՌԻԱ Նովոստի»-ն հրապարակել է այն մարդկանց ֆոտոպատմությունները, որոնց կյանք ներխուժեց պատերազմը։
Ուխտասարի բնակիչ Անուշավանը կանգնած է իր սեփական տանը կից նռան այգում, ձեռքում՝ ղարաբաղյան առաջին պատերազմից մնացած հին «Կալշնիկով» ինքնաձիգ:
Հրթիռի մի հատվածը Մարտունի քաղաքի հրթիռակոծությունից հետո:
Ազատ Գևորգյանն ու նրա կինը՝ Անահիտը լքում են Լաչին քաղաքի իրենց տունը։ Լաչինի շրջանը ԼՂ-ում մարտական գործողությունների հրադադարի մասին համաձայնագրով հանձնվեց Ադրբեջանին։
Մուրադ Մարգարյանը որդու՝ Վահագի հետ Լաչինից դուրս գալուց առաջ իրենց տնից դուրս են բերում իրերը։
Լեռնային Ղարաբաղում հակամարտության ժամանակ զոհվել է ավելի քան 4 հազար մարդ։ Որոշ բնակիչներ իրենց տներից հեռանալիս հետները վերցրել են հարազատների մասունքները, որպեսզի վերահուղարկավորեն Հայաստանում։
Աբովյան Հասմիկը լացում է Ներքին Սուսում գտնվող իր տան շեմին։
Հակոբ Թերսյանը Լաչինի իր տան պատուհանից դուրս է նայում։
Թաղավարդի բնակիչները. գյուղը հրադադարից հետո բաժանվեց Հայաստանի ու Ադրբեջանի միջև։
Արեգը նստել է Քարեգահ գյուղում գտնվող այրվող տան առաջ։ ԼՂ որոշ բնակիչներ, հանրապետությունից դուրս գալուց առաջ, այրել են իրենց տները։
Լեռնային Ղարաբաղի Քելբաջարի շրջանում այրվող տուն։ Շրջանը հրադադարի համաձայնագրից հետո անցավ ադրբեջանական իշխանությունների վերահսկողության ներքո։
