Գեներալները լռում են, իսկ Նիկոլը պատրաստվում է նրանց վրա բարդել պարտության մեղքը (տեսանյութ)

Արմինե Սիմոնյանի «Մենք» հեղինակային հաղորդաշարի հյուրը Երևանի նախկին փոխոստիկանապետ Ռոբերտ Մելքոնյանն է

Երեկ ուշ երեկոյան լուր տարածվեց, որ իշխանական «Իմ քայլը» խմբակցության պատգամավորներն  ու վարչապետի պաշտոնն զբաղեցնող անձը՝ Նիկոլ Փաշինյանը, քննարկել ու որոշել են հրաժարվել արտահերթ ընտրություններ անցկացնելու մտքից:

Ամեն ինչ շատ պարզ է։ Երբ  ՀՀ երկրորդ նախագահ  Ռոբերտ Քոչարյանը հայտարարեց․ «Ես վերադառնում եմ մեծ քաղաքականություն», և արտահերթ ընտրություններին մասնակցելու հայտ ներկայացրեց, Փաշինյանն  ու «Իմ քայլը» որոշեցին հետքայլ անել և հրաժարվել արտահերթ ընտրություններից: Դե, ինչպես միշտ, այս անգամ էլ  հղում են անում ժողովրդին, ասելով, թե հասարակության լայն շերտերն արտահերթ ընտրություններ չեն ուզում՝ պահանջ չկա:

Ադրբեջանական սոցցանցերում ակտիվ քննարկվում է փաշինյանական այս քայլը. ադրբեջանցիները վիրավորական, ծաղրական խոսքեր ուղղելով Փաշինյանի հասցեին, միաժամանակ  ողջունում են նրան, որ  կարողացավ  կանգնեցնել խորհրդարանական ընտրությունները: Գրում են՝  «Կեցցե Փաշինյանը, նա շատ մեծ դերասան է, որը շատ լավ է կատարում նախապես իրեն տրված սցենարը»:

Ի դեպ, այդ գրառումներում մի բան նկատեցի. այն օգտատերերը, որոնք հարցնում են թե ո՞վ  է Նատիկ Փաշաևը, (ի դեպ, այսպես են նրան անվանում ադրբեջանցիները),  պատասխանն այսպիսին է՝ նա  մեր գործակալն է Հայաստանում:

Մանրամասները՝ տեսանյութում