Թուրքիայի խորհրդարանական պատվիրակությունը և ամերիկացի սենատորները քննարկել են Լեռնային Ղարաբաղում ստեղծված իրադրությունը
Թուրքիայի խորհրդարանական պատվիրակությունն ԱՄՆ Սենատի երկու կուսակցությունների օրենսդիրների և ԱՄՆ առևտրի պալատի անդամների հետ քննարկել է Հարավային Կովկասում ստեղծված իրադրությունը, ամերիկա-թուրքական հարաբերությունները, Tert.am-ի փոխանցմամբ հաղորդում է minval.az-ը։
Թուրքիայի խորհրդարանի արտաքին հարաբերությունների հանձնաժողովի նախագահ Աքիֆ Չաղաթայ Քըլըչը հայտարարել է, որ ԱՄՆ-ում հանդիպումների ընթացքում զրուցակիցները շոշափել են Լեռնային Ղարաբաղի թեման։
«ԱՄՆ-ում քաջատեղյակ են, որ Լեռնային Ղարաբաղի հարցում Թուրքիան աջակցում է Ադրբեջանին։ Մենք հերթական անգամ ԱՄՆ ներկայացուցիչներին տեղեկացրել ենք այդ հարցի վերաբերյալ Անկարայի դիրքորոշման մասին»,- հայտարարել է նա։
