Իսկապե՞ս կարծում եք, որ վաստակել եք ձեր աշխատավարձերը, որ մտածեք արդեն պարգևների մասին․․․

Բա ասում էիք՝ ժողովուրդն է որոշելու ամեն ինչ

Ինքնապարգևատրումների թեմային վերջ դնելու համար մի քանի հարց տամ դրանց հեղինակներին, թող մտածեն.
– իսկապե՞ս կարծում եք, որ վաստակել եք ձեր աշխատավարձերը, որ մտածեք արդեն պարգևների մասին․․․
– ժամանակին գործի գալու համար ղեկավար – տեղակալ – քարտուղարուհիները հերոսությո՞ւն են արել․․․
– հիշե՞լ եք արդյոք գոնե ձեր ծնողների կամ այն թոշակառուների մասին, ովքեր կայացրել են մեր երկիրը, եթե այո, ապա համեմատե՞լ եք արդյոք այն գրոշները, որոնցով նրանք պիտի տարեմուտ նշեին, ձեր յոթանիշ թվերի հետ․․․
– ինչպե՞ս է գոյատևում սահմանին ձեր հանգիստը պահող զինվորի ընտանիքը․․․
– որ պարգևավճարով կարելի է փակել համատարած թշվառության արդյունքում գոյացած «պարտքի մատյանները» խանութներում․․․
– արդյոք ինքնապարգևատրմամբ կզբաղվեի՞ն Արամ Մանուկյանն ու իր զինակիցները՝ առաջին, Ալեքսանդր Մյասնիկյանն ու իր թիմակիցները՝ երկրորդ, և Վազգեն Սարգսյանն ու իր տեսակը ներկայացնողները՝ երեք հանրապետությունները կայացնելիս և Արցախն ազատագրելիս․․․
– բա ասում էիք՝ ժողովուրդն է որոշելու ամեն ինչ․․․

Բարի գիշեր եմ մաղթում բոլոր նրանց, ում խիղճը թույլ կտա քնել…

Թաթուլ Մանասերյանի ֆեյսբուքյան էջից