ՀՀ ՊՆ նախարարն Անջեյ Կասպրչիկի հետ քննարկել է հայ-ադրբեջանական պետական սահմանին տիրող իրավիճակը
ՀՀ պաշտպանության նախարար Դավիթ Տոնոյանն ընդունել է Անջեյ Կասպրչիկին։ Այս մասին տեղեկացրել է ՀՀ ՊՆ լրատվական ծառայությունը։ Հանդիպման ընթացքում քննարկվել է արցախա-ադրբեջանական ուժերի շփման գծում և հայ-ադրբեջանական պետական սահմանին տիրող իրավիճակը:
ՀՀ պաշտպանության նախարարը դեսպանին, մասնավորապես, տեղեկացրել է վերջին շրջանի օպերատիվ իրավիճակի և հնարավոր զարգացումների մասին: Դեսպան Կասպրչիկն իր հերթին Դավիթ Տոնոյանին իրազեկել է բանակցային գործընթացի առաջիկա օրակարգային խնդիրների վերաբերյալ:
