Իտալիայի պատգամավորների պալատը վավերացրել է ՀՀ-ԵՄ համաձայնագիրը
Իտալիայի Հանրապետության պատգամավորների պալատը միաձայն կողմ է քվեարկել ՀՀ-ԵՄ Համապարփակ և ընդլայնված գործընկերության համաձայնագրի վավերացմանը: Այս մասին հայտնում է Իտալիայում ՀՀ դեսպանությունը։ «Իտալիայի պատգամավորների պալատը 414 կողմ և 0 դեմ ձայներով կողմ քվեարկեց ՀՀ-ԵՄ Համապարփակ և ընդլայնված գործընկերության համաձայնագրի վավերացմանը: Առաջիկայում այն կներկայացվի Իտալիայի Հանրապետության նախագահի ստորագրմանը»,- հայտնել է դեսպանությունը։
