Մահվան ելքով ավտովթար՝ Երևան-Երասխ ավտոճանապարհին. բախվել են շտապօգնության և «ԳԱԶ- 24» մեքենաները
ՀՀ քննչական կոմիտեի տեղեկացմամբ, հիշյալ կոմիտեի Արարատի մարզային քննչական վարչությունում հարուցվել է քրեական գործ՝ Երևան-Երասխ ավտոճանապարհի 17-րդ կմ-ում տեղի ունեցած մահվան ելքով ավտովթարի առթիվ:
Նախնական տվյալներով, փետրվարի 8-ին, ժամը 00։10-ի սահմաններում Երևան-Երասխ ավտոճանապարհի 17-րդ կմ-ին միմյանց են բախվել «ԳԱԶ-24» և «Սիսիան» Բ/Կ ՓԲԸ-ին պատկանող «ՋԻՆ ԲԵՅ» շտապօգնության մեքենաները:
Դեպքի առթիվ Արարատի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 242-րդ հոդվածի 2-րդ մասի հատկանիշներով:
Վթարի հետևանքով «ԳԱԶ-24» մակնիշի ավտոմեքենայի վարորդը տեղում մահացել է, իսկ վերջինիս ուղևորը, ինչպես նաև շտապօգնության մեքենայի ուղևորները տեղափոխվել են «Արտաշատ» Բ/Կ:
Կատարվում է նախաքննություն։ Քննություն է տարվում` պարզելու վթարի պատճառները:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: