Վրաստանն ու Մոլդովան չեն միացել ռուսական ակտիվներից Կիևին եկամուտները փոխանցելու որոշմանը
Եվրամիության ութ թեկնածու երկրներից միայն հինգն են միացել Ռուսաստանի սառեցված ակտիվներից Կիևին հասույթը փոխանցելու որոշմանը: Վրաստանը, Մոլդովան և Սերբիան այս ցուցակում չեն, ասվում է ԵՄ դիվանագիտության ղեկավար Խոսեպ Բորելի հայտարարության մեջ։ Թեկնածու երկրները պարտավոր են ԵՄ անդամակցության պայմաններով աջակցել Բրյուսելի արտաքին քաղաքական բոլոր որոշումներին, թեև դրանք որևէ կերպ չեն ազդում դրանց ընդունման վրա։
«Թեկնածու երկրները Հյուսիսային Մակեդոնիան, Չեռնոգորիան, Ալբանիան, Ուկրաինան, Բոսնիա և Հերցեգովինան միացել են ԵՄ խորհրդի թիվ 2024/14701 որոշմանը, որը վերաբերում է Ուկրաինային աջակցելու համար ռուսական ակտիվներից եկամուտների անշարժացմանը»,-ՏԱՍՍ-ի փոխանցմամբ, ասել է Բորելը։
Նա նշել է, որ այս որոշմանը «միացել են նաև Եվրոպական ազատ առևտրի գոտու անդամ երկրները՝ Իսլանդիան, Նորվեգիան և Լիխտենշտեյնը»։
