Ռուսաստանն այսօր ավելի արագ է զենք արտադրում, քան երբևէ, շնորհիվ Չինաստանի. Բլինքեն

ԱՄՆ պետքարտուղար Էնթոնի Բլինքենը հայտնել է, որ վերջին մեկ տարում սովորել է ավելի արագ նոր զենքեր արտադրել, քան երբևէ։ Այս մասին նա ասել է Սաուդյան Արաբիայում, Համաշխարհային տնտեսական համաժողովի նախագահ Բերգե Բրենդեի հետ զրույցում։

Բլինքենը Չինաստան կատարած այցի ժամանակ քննարկել է պատերազմն Ուկրաինայում Չինաստանի բարձրագույն ղեկավարության հետ։

«Ռուսաստանը վերջին մեկ տարում ավելի արագ է արտադրել զինամթերքներ, հրթիռներ, տանկեր և զրահատեխնիկա այդ թվում նաև սառը պատերազմի ժամանակներից ի վեր, ինչպես Խորհրդային Միությունում։ Ինչպե՞ս է դա նրան հաջողվել։ Որովհետև նա հաստոցների, միկրոէլեկտրոնիկայի, օպտիկայի զգալի ծավալներ է ստանում գերազանցապես Չինաստանից»,- ասել է Բլինքենը։

Նա նշել է, որ հաստոցների 70 ու միկրոէլեկտրոնիկայի 90 տոկոսը Ռուսաստան է մատակարարվում Չինաստանից։ «Հիմա դրանք երկակի օգտագործման առարկաներ են, բայց մենք հստակ գիտենք, թե ուր են դրանք գնում։ Դա թույլ է տալիս Ռուսաստանին շարունակել ագրեսիան Ուկրաինայի դեմ, հետևաբար, նա շարունակում է պատերազմը, որը, ինչպես ասում է Չինաստանը, նա կցանկանար, որ ավարտվեր»,- ասել է պետքարտուղարը։

Չինաստանի աջակցությունը, ըստ Բլինքենի, Ռուսաստանին թույլ է տալիս վերականգնել պաշտպանական-արդյունաբերական բազան, որը, «ինչպես խորապես անհանգստացած են Եվրոպայի երկրները, կուղղվի իրենց դեմ այն բանից հետո, երբ Ուկրաինայի հարցը կլուծեն»։

Արդարացի կլինի ասել, ընդգծել է Բլինքենը, որ Չինաստանը անմիջականորեն զենք, հրթիռներ և զինամթերքներ չի մատակարարում Ռուսաստանին, ինչպես անում են Իրանն ու Հյուսիսային Կորեան։