Բայդենը վրեժխնդիր լինելու տարբերակներ է ուսումնասիրում՝ Սիրիայի սահմանի մոտ ԱԹՍ-ի հարձակման հետևանքով զոհված ամերիկացի զինծառայողների համար
ԱՄՆ նախագահ Ջո Բայդենը վրեժխնդիր լինելու տարբերակներ է ուսումնասիրում այն բանից հետո, երբ խոստացել է վրեժ լուծել Հորդանանի հյուսիս-արևելքում Սիրիայի սահմանի մոտ անօդաչու թռչող սարքի հարձակման հետևանքով զոհված երեք ամերիկացի զինծառայողների համար: Այս մասին գրում է iz.ru-ն:
Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին NBC-ին ասել է, որ Միացյալ Նահանգները կանի այն, ինչ պետք է անի զորքերը պաշտպանելու համար:
Քիրբին ասել է, որ թեև Բայդենի վարչակազմը չի ցանկանում մեծ պատերազմ Իրանի հետ, նա ընդունում է, որ Թեհրանը ռեսուրսներով աջակցում է տարածաշրջանի զինյալ խմբավորումներին և նրանց տրամադրում է հետախուզական տեղեկատվություն, որը թույլ է տալիս խմբերին անել դա։
«Մենք սրան շատ լուրջ ենք վերաբերվում: Մենք չենք ցանկանում մեծ պատերազմ Իրանի հետ, բայց պետք է անենք այն, ինչ պետք է անենք»,- հավելել է նա։
ԱՄՆ պաշտպանության նախարարության խոսնակ Սաբրինա Սինգհն, իր հերթին, ճեպազրույցի ժամանակ Ալ-Թանֆ շրջանում ամերիկյան բազայի վրա հարձակման համար մեղադրել է Թեհրանն։
Նրա խոսքով, հենց Իսլամական Հանրապետությունն է ֆինանսավորում այն զինված խմբավորումներին, որոնք հարձակումներ են իրականացնում ամերիկացի զինվորների վրա Իրաքում և Սիրիայում։
