Առատ ձյուն, սաստիկ բուք, մերկասառույց․ իրավիճակն ավտոճանապարհներին
Հունվարի 24-ին՝ ժամը 17:15-ի դրությամբ, Թալինի, Ախուրյանի, Աշոցքի, Ապարանի, Արագածի, Սպիտակի, Վանաձորի, Ստեփանավանի, Նաիրիի, Աբովյանի, Հրազդանի, Գավառի, Դիլիջանի, Ճամբարակի, Տավուշի, Մարտունիի, Վարդենիսի, Սիսիանի, Գորիսի, Կապանի, Մեղրիի տարածաշրջաններում ձյուն է տեղում։
«Ճանապարհային դեպարտամենտ» հինադրամի տեղեկացմամբ, առատ ձյան և սաստիկ բքի պատճառով Վարդենյաց լեռնանցքը, Ջերմուկի խաչմերուկից մինչև Գորայք, Ջերմուկի ավտոճանապարհները փակ են բոլոր տեսակի տրանսպորտային միջոցների համար։
Նորավան-Լծեն-Տաթև, Մ-9 միջպետական ճանապարհից դեպի Շինուհայր-Տաթև, Գորիս-Սիսիան, Վանաձոր-Դիլիջան ավտոճանապարհները, Ստեփանավանի, Դիլիջանի ոլորանները, Քեթիի և Ջաջուռի լեռնանցքները փակ են ծանրաքաշ և կցորդով տրանսպորտային միջոցների համար։
Բքի պատճառով Հոռոմ-Արթիկ-Ալագյազ ճանապարհը դժվարանցանելի է բոլոր տեսակի մեքենաների համար։
Աշոցքի, Ամասիայի, Արագածի ավտոճանապարհներին բուք է։
Աշտարակի, Աբովյանի, Գավառի, Ստեփանավանի, Արագածի տարածաշրջանի և Հոռոմ-Արթիկ-Ալագյազ ճանապարհներին տեղ-տեղ մերկասառույց է։
Միջպետական և հանրապետական մյուս ավտոճանապարհները բաց են։