Քաղաքապետարանում աշխատավարձային ֆոնդը աճում է․ պարգևավճարների համար նախատեսվում է 457 միլիոն
Հասարակական-քաղաքական գործիչ Դավիթ Խաժակյանը ֆեյսբուքյան իր էջում գրում է․
«Երևանի քաղաքապետարանը պատրաստում է 2024 թվականի բյուջեն։
Ընդհանուր ծախսերը, այդ թվում նաև կարևորագույն ենթակառուցվածքների ծախսերը կրճատվում են ավելի քան 8.5 միլիարդ դրամով, սակայն աշխատավարձային ֆոնդը աճում է՝ 534 միլիոն դրամով։
Կառավարման մարմնի ծախսերի շարունակական աճը ինքնին վատ երևույթ է, բայց կարծես թե միտում կա վերականգնելու նաև պարգևավճարների «ավանդույթը», քանի որ 457 միլիոն դրամ նախատեսվում է հենց պարգևավճարների համար։ Այս ցուցանիշը կրկնակի ավել է նախորդ տարվա բյուջեից։
Նվազող ծախսերի պայմաններում արդար չէ աշխատավարձային ֆոնդի նման աճը։
Բյուջեի մասին առավել մանրամասն կխոսեմ առաջիկայում»։
