Հայաստանի ապագան առանց ՀԱՊԿ-ի չեմ պատկերացնում. նախկին գլխավոր քարտուղար
Հավաքական անվտանգության պայմանագրի կազմակերպության (ՀԱՊԿ) նախկին գլխավոր քարտուղար Նիկոլայ Բորդյուժան կարծում է, որ Հայաստանը դուրս չի կազմակերպությունից։ Ինչպես տեղեկացնում է ՏԱՍՍ–ը, նա այդ մասին ասել է բելառուսական СТВ հեռուստաալիքին տված հարցազրույցում
«Մենք շատ լավ հարաբերություններ ունենք Հայաստանի բազմաթիվ քաղաքական ուժերի հետ։ Այդ պատճառով, իմ կարծիքով, սա ժամանակավոր երևույթ է, բայց ամեն դեպքում Հայաստանը կլինի և՛ Ռուսաստանի, և՛ Բելառուսի, և՛ ՀԱՊԿ – ի հետ», – ասել է նա։
Բորդյուժան ընդգծել է, որ ինքն ընդհանրապես չի պատկերացնում Հայաստանի ապագան առանց ՀԱՊԿ-ի։
«Պարզապես չեմ պատկերացնում այդ ապագան, քանի որ Հայաստանը խիստ ինտեգրված է Ռուսաստանի հետ, և ոչ միայն տնտեսապես, չէ՞ որ Ռուսաստանում հսկայական թվով հայեր են ապրում՝ մի քանի միլիոն», – ասել է ՀԱՊԿ նախկին գլխավոր քարտուղարը:
Հիշեցնենք սեպտեմբերի 24–ին ժողովրդին ուղղված իր ուղերձում ՀՀ վարչապետ Նիկոլ Փաշինյանը հայտարարեց հանրապետության արտաքին և ներքին անվտանգության գործիքները փոխելու և լրացնելու անհրաժեշտության մասին։ Նա նշեց, որ Ադրբեջանի հարձակումները ՀՀ–ի վրա հանգեցնում են նրան, որ արտաքին անվտանգության համակարգերը, որում երկար տարիներ ներգրավված է եղել երկիրը, անարդյունավետ են պետական շահերի և անվտանգության համար։
