ՌԴ ԱԳՆ-ն ԼՂՀ ինքնալուծարումից հետո Ղարաբաղում գտնվող ռուսներից որևէ դիմում չի ստացել
Ռուսաստանի Դաշնության արտաքին գործերի նախարարությունը Ղարաբաղում գտնվող ՌԴ քաղաքացիներից Լեռնային Ղարաբաղի Հանրապետության լուծարման հետ կապված դեռևս դիմումներ չի ստացել, բայց երբ դրանք ծագեն, օգնություն կտրամադրեն։ Այս մասին «Վեդոմոստի»-ին տված մեկնաբանությունում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Ռուսական դիվանագիտական ծառայությունը «աջակցում է [Ռուսաստանի քաղաքացիներին] ըստ պահանջի»: «[Բայց] Արտաքին գործերի նախարարությունը դեռ նման դիմումներ չի ստացել», – ասել է նա։ Զախարովան չի նշել ռուս խաղաղապահների պատասխանատվության գոտու տարածքում գտնվող Ռուսաստանի քաղաքացիների թիվը։
