Բաղրամյանի վրա կմնանք այնքան, մինչև Փաշինյանն ընդունի. անհետ կորածի ծնող
Անհետ կորած զինծառայողների ծնողները որոշել են Բաղրամյան-Պռոշյան խաչմերուկը փակ պահել այնքնա, մինչև
Բոլորին խնդրում եմ միանալ մեզ, որ գոնե մեր տղերքը «մի ոտ» շուտ տուն գան: Այս մասին այսօր՝ հուլիսի 26-ին լրագրողների հետ զրույցում ասաց Բաղրամյան պողոտայում բողոքի ակցիա իրականացնող անհետ կորած զինծառայողի մայրը։
«Անհետ կորածների բոլոր ծնողներին խնդրում եմ թողեք ձեր հողը, գոմը, ամեն ինչը, եկեք ձեր ամենաթանկի համար պայքարեք։ Ո՞ւր են այն կանայք, որոնց ամուսինները տանը չեն, ո՞ւր են այդ կանայք», – ասաց զինծառայողի մայրը։
Նա ասաց, թե չեն հեռանալու Բաղրամյան պողոտայից, չեն բացելու ճանապարհը, անհրաժեշտության դեպքում վրաններ կտեղադրեն, կմնան, մինչև Փաշինյանը ընդունի իրենց։
Նշենք, որ ակցիային մասնակցում են Էջմիածնի N զորամասի («քիմիկների» զորամաս) զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ՝ մարտական առաջադրանքի և սխալ հրամանի պատճառով նրանք հայտնվել էին շրջափակման մեջ ու անհետ կորել:
