Նիդեռլանդների դպրոցներում կարգելվեն բջջային հեռախոսները, պլանշետներն ու խելացի ժամացույցները
Նիդեռլանդներում 2024 թվականի հունվարի 1-ից ամբողջությամբ կարգելվեն բջջային հեռախոսները, պլանշետները և խելացի ժամացույցները, հայտարարել է Նիդեռլանդների կառավարությունը։
Նպատակը դասերի ժամանակ շեղումները սահմանափակելն է:
Սարքերը կթույլատրվեն միայն խիստ անհրաժեշտության դեպքում, օրինակ՝ թվային հմտությունների դասերի ժամանակ, բժշկական պատճառներով կամ հաշմանդամություն ունեցող անձանց համար:
«Չնայած բջջային հեռախոսները դարձել են մեր կյանքի մի մասը, դրանք դասասենյակում տեղ չունեն», – հայտարարել է Նիդեռլանդների կրթության նախարար Ռոբերթ Դեյգրաֆը: