Թուրքիայի արտգործնախարարը և ԱՄՆ պետքարտուղարը քննարկել են թուրք-հայկական հարաբերությունների կարգավորումը
Թուրքիայի արտաքին գործերի նախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ, որի ընթացքում քննարկել է փոխադարձ հետաքրքրություն ներկայացնող հարցեր, այդ թվում՝ ցորենի գործարքի վերաբերյալ։ Այս մասին հինգշաբթի տեղեկացրել է Թուրքիայի արտաքին գործերի նախարարությունը։
«Բանակցությունների ընթացքում քննարկվել են ՆԱՏՕ-ին Շվեդիայի անդամակցության, Թուրքիայի և Հայաստանի, Ադրբեջանի և Հայաստանի միջև հարաբերությունների կարգավորման, Թուրքիայի կողմից ԱՄՆ-ից F-16 կործանիչների ձեռքբերման և դրանց արդիականացման, ինչպես նաև Ուկրաինայի հետ ցորենի համաձայնագրի վերաբերյալ հարցերը։
Ֆիդանը Թուրքիայի արտաքին գործերի նախարար է նշանակվել նոր կառավարությունում, որը ձևավորվել է մայիսի 28-ի նախագահական ընտրություններում գործող նախագահ Ռեջեփ Թայիփ Էրդողանի հաղթանակից հետո։
