Ռուսաստանը դեմ է Ուկրաինայի հակամարտության սառեցմանը. Պեսկով
Ռուսաստանը կիսում է այն դիրքորոշումը, որ ուկրաինական հակամարտությունը չպետք է սառեցվի: Այս մասին ՏԱՍՍ-ին հայտնել է ՌԴ նախագահի մամուլի քարտուղար Դմիտրի Պեսկովը։
«Ռուսաստանը համամիտ է», – ասել է Կրեմլի ներկայացուցիչը՝ պատասխանելով այն հարցին, թե արդյոք ՌԴ-ը համակարծիք է Արևմուտքի հետ, որ չի կարելի թույլ տալ Ուկրաինայում հակամարտության սառեցում:
«Ռուսաստանը դիտարկում է միայն հատուկ ռազմական գործողության ավարտը՝ Ռուսաստանի շահերի ապահովումը, Ռուսաստանի առջև դրված խնդիրների կատարումը հատուկ ռազմական գործողության կամ այլ հասանելի միջոցների միջոցով»,- ասել է Պեսկովը։
