Եվրոպան վախենում է կորցնել ԱՄՆ-ի ռազմական աջակցությունը ուկրաինական հակամարտության ֆոնին. Politico
Ուկրաինական հակամարտության պայմաններում եվրոպական երկրները վախենում են կորցնել ԱՄՆ-ի ռազմական աջակցությունը, բայց նրանք ստիպված կլինեն ավելի ինքնուրույն դառնալ պաշտպանական հարցերում, կարծում են Politico-ի մեկնաբաններ Մաթյո Դրուանը և Ջեյմս Ջոյ Թաունսենդ կրտսերը:
«Եվրոպական կառավարությունների մեծ մասը վախենում է որևէ վնաս հասցնել Միացյալ Նահանգների հետ հարաբերություններին, քանի որ Եվրոպան պաշտպանելու նրանց հանձնառությունն կարևոր է, ավելի քան երբևէ՝ կապված Ուկրաինայի հակամարտության հետ: Բայց կարծիքում ենք, որ ամերիկյան այս պարտավորության վրա անվերջ հույս դնելը մոլորություն կլինի», – ասվում է հոդվածում։
Հեղինակների կարծիքով՝ Կենտրոնական և Արևելյան Եվրոպայի երկրներն ուրախ են թաղել եվրոպական «ռազմավարական ինքնավարության» հայեցակարգը, քանի որ դրանում ԱՄՆ-ից անջատվելու վտանգ են տեսնում:
Նրանց խոսքով՝ և՛դեմոկրատները, և՛ հանրապետականները ցանկանում են, որ ԵՄ երկրները ավելի շատ ռազմական բեռ վերցնեն Եվրոպայում, և այդ իմաստով կարևոր չէ, թե ով կհաղթի 2024 թվականի ընտրություններում։
«Այսպիսով, ավելի ինքնուրույն եվրոպական պաշտպանություն ստեղծելը հրատապ խնդիր է»,- եզրակացնում են մեկնաբանները։
