Պետք է սեղանին ունենալ Ադրբեջանի պաշտոնյաների նկատմամբ պատժամիջոցների տարբերակը. սենատոր Ռոբերտ Մենենդես
ԱՄՆ Սենատի արտաքին հարաբերությունների հանձնաժողովի նախագահ, դեմոկրատ սենատոր Ռոբերտ Մենենդեսը հանձնաժողովի նախագահի թվիթերյան էջում կատարել է գրառում, ուր քննադատել է Ադրբեջանին Լաչինի միջանցքի արգելափակման համար՝ չբացառելով պատժամիջոցների կիրառման տարբերակը:
«Բաքվի կողմից Լեռնային Ղարաբաղի շրջափակումից 150 օր անց ակնհայտ է, որ Ալիևը հումանիտար ճգնաժամ է ստեղծում և դադարեցնում էլեկտրաէներգիայի մատակարարումը կարևոր ենթակառուցվածքներին: Անհրաժեշտ է սեղանին ունենալ Ադրբեջանի բարձրաստիճան պաշտոնյաների նկատմամբ պատժամիջոցների տարբերակը, քանի դեռ ճնշում ենք գործադրում Լաչինի միջանցքը բացելու համար»,- գրել է ԱՄՆ Սենատի արտաքին հարաբերությունների հանձնաժողովի նախագահ Մենենդեսը:
