Շվեդիա-Ադրբեջան հանդիպմանը երկրպագուները Արցախի շրջափակումը դադարեցնելու կոչով պաստառ են պարզել
Ֆուտբոլի Եվրոպայի առաջնության ընտրական մրցաշարի երկրորդ տուրի՝ Շվեդիա- Ադրբեջան հանդիպման ժամանակ երկրպագուները պարզել են Արցախի շրջափակումը դադարեցնելու կոչով պաստառ։ Այս մասին տեղեկանում ենք Հայաստանի հավաքականի նախկին խաղացող, Շվեդիայում բնակվող Լևոն Պաչաջյանի ֆեյսբուքյան գրառումից։ Մասնավորապես, Լևոն Պաչաջյանը գրել է․
«Շվեդիան հայամետ է, որովհետև մարդը, մարդկային կյանքը, մարդու ազատությունները բացարձակ արժեք են այստեղ: Ինչպես որ սպասում էի, երեկ 5-0 Շվեդիան հաղթեց Հայաստանի «հարևանին», իսկ տրիբունայում Արցախի և Հայաստանի դրոշները հիշեցնում էին, որ 120.000 հայ բլոկադայի մեջ են»:
