ԱՄՆ Կոնգրեսում երկու կուսակցություններից ավելի շատ ներկայացուցիչներ են սկսում աջակցել Ռուսաստանին. The Hill
Կիևի ռեժիմին օգնությունը կրճատելու որոշմանն աջակցող ամերիկացիների թիվը արագորեն աճում է, և քաղաքական գործիչները սկսում են դա հաշվի առնել, գրում է The Hill-ի մեկնաբան Դուգլաս Շոենը։
Նրա կարծիքով, Կոնգրեսում հանրապետականներն իրենց դիրքորոշումն անվանել են «իրատեսական»՝ պնդելով, որ ԱՄՆ-ը չի կարող շարունակել աջակցել Կիևին գնաճի ֆոնին, որն ավելի ու ավելի է ազդում ամերիկացիների կյանքի վրա։
Բացի այդ, նրանք ընդգծել են, որ Վաշինգտոնը չպետք է միջուկային պատերազմի ռիսկի դիմի Մոսկվայի հետ մի երկրի պատճառով, որը գտնվում է հազարավոր մղոն հեռավորության վրա:
Շոենը ուշադրություն է հրավիրել այն փաստին, որ միայն որոշ հանրապետականներ են նախկինում հանդես եկել ռուսամետ հայտարարություններով և կոչերով հրաժարվել Կիևի ռեժիմին օգնությունից։
Բայց ժամանակի ընթացքում նույնիսկ «ձախ թևի (Դեմոկրատական կուսակցության – խմբ.) ներկայացուցիչները Բայդենի վարչակազմին ուղղված նամակում բարձրաձայն արտահայտվեցին Ուկրաինային շարունակական աջակցության դեմ», – հիշեցրել է Շոենը:
Մեկնաբանի կարծիքով, եթե Վաշինգտոնը կրճատի Կիևի իշխանություններին տրամադրվող օգնությունը, արևմտյան մյուս երկրները կհետևեն այդ օրինակին:
